Reto "Divulgamos"

 Durante este mes de xaneiro o noso reto de Voz Natura foi a divulgación de información relacionada co coidado da natureza e sobramente o logramos, pois estamos a participar no programa "Pilabot" a través do que reciclamos pilas usadas.

Con este motivo o alumnado está concienciando nas súas casas da importancia de reciclar en xeral, e en concreto, das pilas.

Ademais os compañeiros de 4º de primaria crearon un video explicativo e os grupos de 5º e 6º fixeron diferentes carteis para concienciar sobre a importancia da reciclaxe de pilas.

Polo que podemos dicir eso de... Reto conseguido!

Noraboa a todos e moitas grazas pola contribución que entre todos estamos a facer na caixa de pilas usadas que temos no cole.

Xa estamos listos para un novo reto!

Horta de Xaneiro

Tiñamos pendente ensinarvos as fotos de cando fumos á horta para facer limpeza dos cultivos, abonado do terreo e de paso plantar algunha nova plantiña, pois algúns animais entraron no noso invernadoiro e comeron parte da que ía ser a nosa colleita... Cousas que pasan!

Os grupos de infantil transplantaron cebola dende un sementeiro. 

Mentres que os maiores encagáronse de plantar acelgas e chícharos.

Se queredes ver todas as fotos do proceso, podedes clicar nesta imaxe:

E como sabedes, todas estas accións están relacionadas co Proxecto de Voz Natura no que participamos.

Nadal

 Xa levamos varios días de curso pero todavía non puideramos compartir con vos o ben que o pasamos o último día do trimestre pasado na festa de Nadal.

Recordades todos os bailes, actuacións, a chocolatada ou a visita dos Reis Magos? Menuda viaxe fixeron que chegaron ao cole en bicicleta!

Se queredes recordar o ben que o pasamos, podedes clicar nesta imaxe para ver todas as fotos:

Reto Reutilizamos

Este mes o Eco-reto de Voz Natura foi sobre a reutilización de materiais. Por este motivo, no cole elaboramos os nosos adornos para a árbore de Nadal con material reutilizado.

Podedes ver que empregamos de todo: tubos de papel hixiénico, botellas de plástico, paus, CD's, cápsulas de café... A imaxinación non ten límites.

E dende aquí aproveitamos para desexarvos... Bo Nadal!

Se queredes ver todo o que fixemos, podedes premer na seguinte imaxe:

Horta de Decembro

 Chegou o frío e aproveitamos para plantar algunhas cousiñas que resistan as temperaturas máis baixas que están chegando.

No horto e relacionado co Proxecto de Voz Natura, plantamos allos, chícharos e tirabeques, e a partir de 3º de primaria sacaron a semente do tomate para preparalas de cara á primavera.

Tamén aproveitamos que todavía quedaban follas caídas para recollelas e facer unha manta coa que tapar os novos cultivos e que desta forma garden mellor a calor e poidan medrar con máis facilidade.

Se queredes ver as fotos completas do día na horta, premede nesta imaxe:

Horta de Novembro

Onte todo o cole volveu sair á nosa horta para comezar a plantar especies de inverno. Pensaredes que imos un pouco adiantados, pero ainda que todavía estamos en outono o frío xa está chegando e precisamos plantas que aguanten temperaturas máis baixas.

Por este motivo os cativos de infantil e 1º e 2º, colleron parte do compost que tiñamos no composteiro para peneiralo e poder fertilizar a terra onde posteriormente plantaron tulipáns, iris e transplantaron unhas poucas fresas que quedaran do mes pasado.

Pola súa banda, os grupos de 3º a 6º de primaria estiveron a comprobar o pH da terra do horto coa escala do pH da lombarda antes de sementar. Así puideron observar os diferentes tipos de pH dende os máis ácidos aos máis básicos con: vinagre, Coca-Cola, terra, lixivia de cinza e lixivia común.

Podedes premer na foto para ver todas as fotos desta actividade do Proxecto de Voz Natura. 📸

Saída monte Vixiador

Dende o outono pasado tivemos en acollida sete árbores autóctonas. Cada clase ocupouse dos coidados da súa árbore ata que este curso xa estiveron listas para a súa plantación no noso monte.

Por este motivo, esta semana (coincidindo co día internacional do patrimonio mundial) e en relación co Proxecto de Voz Natura no que participa o centro, fumos ao monte Vixiador a plantar as nosas árbores autóctonas.

Para poder levar a cabo esta actividade contamos coa colaboración da Comunidade de Montes de Candeán que nos facilitou as árbores e preparou o terreo para a plantación. Aos que dende aquí damos as grazas e agardamos seguir colaborando en futuros proxectos medioambientais.

Chegado o día da plantación, comezamos cun roteito de recoñecemento de árbores polo parque forestal. Buscamos as árbores máis significativas, identificamos as súas follas… e en definitiva investigamos na natureza.

Previamente, no cole, cada aula identificou a súa árbore e preparou unha pequena presentación coa que homenaxeala no momento da plantación. Ademais, para que todos os que pasen por alí saiban que árbores son as que temos plantadas, o noso conserxe Cibrán preparou uns letreiros identificativos en madeira co nome de cada árbore e o curso que se encargou de plantala. Polo que tamén temos que agradecerlle a Cibrán a súa colaboración.

Xa vedes que todos colaboramos nesta actividade. E iso é precisamente o que queremos que fagades vos, indo de cando en cando a visitar as nosas árbores, coidar que teñan o espazo limpo… Para que de aquí a moitos anos teñamos unhas árbores fermosas e fortes.

Se queredes ver a galería completa podedes premer na foto:

Visita ao zoo

O pasado venres 5 de novembro os grupos de 1º e 2º de primaria foron de visita ao zoo, onde traballaron a educación ambiental a través de distintas actividades lúdico-educativas. Tan ben o pasaron que o tempo se lles pasou voando!

Puideron ver todos os animais que hai no zoo e coñecer a historia que hai detrás de cada un deles.

Ademais, tiveron a gran sorte de participar en actividades que se deixaron de realizar por mor da pandemia e que xa é posible volver a facer como subir á casa da árbore, ver os esqueletes dos animais e facer outros xogos propostos polo guía.

Pero mellor que contalo é poder miralo, así que premendo nesta imaxe podedes acceder á galería completa:

Aproveitamos para dar as grazas aos guías que nos acompañaron nestas actividades polo seu trato, amabilidade e a paixón que nos transmitiron no coidado dos animais e a natureza.