Horta de Marzo

Na nosa visita á horta do mes de Marzo incorporamos novos cultivos aos que xa tiñamos.

Os cativos de infantil trasplantaron os primeiros brotes de puerro que tiñamos preparados do mes anterior no sementeiro e plantaron tamén caléndula, para encher de flor a nosa horta e atraer aos insectos polinizadores de cara á primavera.

Aproveitamos tamén para investigar e buscar algúns bechiños na zona do composteiro, atopamos miñocas, un cempés e un becho bola.

Os compañeiros de primaria pola súa parte plantaron berenxenas e cebolas e varias aromáticas como herba boa, tomiño, melisa ou ceboliño.

Ademáis, limparon de malas herbas e remexeron o compost do composteiro para axudar no proceso.

Queredes ver todo o que fixemos dentro do proxecto de horto de Voz Natura? Clicade na foto

Horta febreiro

Con todo o entroido, o día de Rosalía e a saida dos maiores ao CUVI para facer a actividade de atletismo, esquecimos subir as fotos do noso último día de febreiro na horta!

Pero aquí estamos para poñerlle solución e ensinarvos como seguimos avanzando co Proxecto de Voz Natura na horta.

Como veredes plantamos moitos cultivos novos, especialmente hortalizas. Todo o cole participou, cada un cun producto diferente e así agora temos: puerro, rábanos, cenorias, pepino, espinacas e por útlimo sementamos as sementes de tomate que preparamos o mes pasado.

Algúns destes vexetais todavía estan no sementeiro, agardando a que medren un pouco máis para ser transplantadas nos bancais, pero xa comezamos a ver os primeiro brotes.

Os maiores tamén aproveitaron para arrincar as herbas que medraron onde non debían e para medir o invernadoiro e saber cantos metros de plástico precisamos comprar para cambiarlle a cuberta.

Se queredes ver todo isto, non tedes máis que clicar nesta imaxe:

Festa de entroido 2022

 E chegou o venres coa festa de disfraces, a degustación de orellas, os desfiles e a queima do Meco que resultou culpable de todas as acusacións.

Pasámolo en grande bailando, cantando, desfilando...

Mirade, mirade!

Mandatos do Meco

 Esta semana no cole estivemos a celebrar o entroido! 🎭

Comezamos a semana cos mandatos do Meco, que nos mandou levar algo especial cada día (algo na cabeza, no pescozo e na cintura).

Estes primeiros días fumos quentando motores ata chegar ao venres, pero do venres xa falaremos despois...

Polo de agora podedes mirar a imaxinación que tivemos para poder cumprir cos mandatos do Meco:

 

Xornada de atletismo en pista

O martes 22 de febreiro os grupos de 5º e 6º de primaria paticiparon  na xornada de atletismo en pista, organizada polo Programa Xogade.

Competiron con outros colexios en carreiras de relevos, 500 metros lisos e 60 metros lisos. Tamén puideron practicar o lanzamento de peso, vórtex e salto de lonxitude.

Pero o máis importante foi o ben que o pasaron.

Clicando nesta imaxe podedes acceder á galería con todas as fotografías deste día:

Celebramos o día da PAZ

Onte xuntámonos todo o cole para poder facer a nosa celebración polo día da Paz despois de levar toda a semana preparándonos e traballando sobre o tema.

Este ano vencellamos o día da Paz co coidado do noso planeta, pois temos que poder vivir nun sitio coidado que nos poida aportar esa paz que precisamos.

Así preparamos entre todos un mural con algunhas ideas que podemos seguir para acadar este obxectivo:

- Separa os envases, o papel, as pilas.

- Non te pases coa auga da ducha.

- Camiña, o coche contamina.

- Apaga a luz cando te vaias.

- Coida o teu planeta cun soriso.

E por último durante a celebración bailamos ao ritmo da canción "El mensaje de Nina" que fala sobre a necesidade de coidar o noso planeta e da que sacamos as frases para o noso mural.

Pasámolo en grande!

Se queredes ver as fotos e o video da celebración podedes clicar nesta imaxe:

Reto "Divulgamos"

 Durante este mes de xaneiro o noso reto de Voz Natura foi a divulgación de información relacionada co coidado da natureza e sobramente o logramos, pois estamos a participar no programa "Pilabot" a través do que reciclamos pilas usadas.

Con este motivo o alumnado está concienciando nas súas casas da importancia de reciclar en xeral, e en concreto, das pilas.

Ademais os compañeiros de 4º de primaria crearon un video explicativo e os grupos de 5º e 6º fixeron diferentes carteis para concienciar sobre a importancia da reciclaxe de pilas.

Polo que podemos dicir eso de... Reto conseguido!

Noraboa a todos e moitas grazas pola contribución que entre todos estamos a facer na caixa de pilas usadas que temos no cole.

Xa estamos listos para un novo reto!

Horta de Xaneiro

Tiñamos pendente ensinarvos as fotos de cando fumos á horta para facer limpeza dos cultivos, abonado do terreo e de paso plantar algunha nova plantiña, pois algúns animais entraron no noso invernadoiro e comeron parte da que ía ser a nosa colleita... Cousas que pasan!

Os grupos de infantil transplantaron cebola dende un sementeiro. 

Mentres que os maiores encagáronse de plantar acelgas e chícharos.

Se queredes ver todas as fotos do proceso, podedes clicar nesta imaxe:

E como sabedes, todas estas accións están relacionadas co Proxecto de Voz Natura no que participamos.