Este venres 28 de outubro celebramos no cole o Samaín - Halloween.
Neste blogue, Carozo irá ensinando as diferentes actividades que imos facendo no cole, así como outras ofertas de ocio ou interese.
sábado, 29 de octubre de 2022
Samaín - Halloween
jueves, 27 de octubre de 2022
Horta de outubro
Este mes fomos á horta en dúas quendas: os días 11 e 25.
Ao longo deste mes os maiores crearon novos bancais e limpamos os que xa tiñamos, sachamos e abonamos o terreo tanto de dos bancais de fóra como do invernadoiro... E deixamos todo listo para os primeiros cultivos.
Os cursos máis baixos tamén axudaron a limpar o terreo, colleitamos os tomates que foron madurando, plantamos leitugas, cebolas, verdura "cale", brócoli e coliflor.
Ademais unha parte de infantil preparou sementeiros na clase por mor da chuvia que caía no momento en que ían ir á horta.
Se queredes ver as fotos do proceso, clicade na seguinte imaxe:
lunes, 17 de octubre de 2022
Visita museo Liste
O pasado venres, todo o cole foi ao museo Liste, onde descubrimos que xa tixan todo preparado para o Samaín.
Aprendemos algúns datos desta celebración, a súa orixe, algúns costumes... Cada grupo decorou unha porta terrorífica para o cole. Pasamos por un túnel do terror no que tivemos que atopar diferentes elementos agochados entre teas de araña, candeas, momias... E para rematar, levamos unha bolsiña chea de doces para repartir no cole!
A verdade é que o pasamos moi ben. Se queredes ver todas as fotos, clicade nesta imaxe:
lunes, 3 de octubre de 2022
Horta de setembro
Comezamos o curso cunha nova organización da horta, durante este ano acudiremos á horta por quendas de traballo e non todos o mesmo día.
Así, a final de mes subiremos unha entrada xeral sobre o traballo realizado e hoxe toca subir os datos de setembro!
Comezamos facendo a limpieza da horta: sacamos o que xa non valía, limpamos as herbas, e preparamos o terreo e o invernadoiro para acoller os novos cultivos...
Os cativos de infantil, aproveitaron esa limpeza que fixeron os maiores para sementar grelos e ser os primeiros en inaugurar o terreo.
Se queredes ver as fotos do que fixemos, clicade na foto:
martes, 28 de junio de 2022
Festival de fin de curso
O mércores 22 rematamos as clases e fixemos o festival de fin de curso para despedirnos dos compañeiros e familias.
Foi un día moi intenso e emotivo no que tivemos actuacións, bailes, música... E por suposto a celebración do paso a primaria do grupo de 5 anos e a despedida dos nosos compañeiros de 6º que marchan para o instituto.
Dende aquí desexámosvos a todos unhas moi felices vacacións de verán e enviamos unha aperta especialmente forte aos nosos compañeiros que deixan o cole.
Se queredes ver as fotos podedes acceder á galería completa dende esta foto:
E aquí tedes as actuacións do festival:
INFANTIL
1º E.P.
2º E.P.
3º E.P.
4º E.P.
5º E.P.
6º E.P.
jueves, 16 de junio de 2022
Horta de xuño
O martes 14 de xuño tivemos a nosa última sesión de horta da man de Xaruma que leva colaborando con nós dende principio de curso a través do proxecto de Voz Natura.
Para rematar o curso, fixemos unha limpeza e preparación da horta. E obtivemos os pigmetos de diferentes prantas: da folla do tomate, leituga, lombarda e cenizo. Tamén do xantel, o repolo, dente de león, pataca e perexil.
Se queredes ver todas as fotos podedes clicar nesta imaxe:
martes, 7 de junio de 2022
Facemos curtas en Stop Motion!
Os grupos de 3 anos e 3º de primaria apuntáronse a un concurso no que tiveron que facer unha curtametraxe coa técnica do Stop Motion (moitas fotos que ao pasalas rápido crean o efecto do movemento).
Grazas a esta iniciativa, a editorial OQO dotounos dun lote de libros de entre os que cada grupo escolleu un para facer a súa historia. Os cativos de 3 anos elexiron o conto "Sopa verde" e o grupo de 3º de primaria escolleu "Un conto cheo de lobos".
Podedes ver o resultado clicando en cada vídeo. A verdade é que o pasaron en grande preparando o escenario, as personaxes, os diálogos...
Son uns artistas!





