miércoles, 1 de febrero de 2023

Teatro en inglés

O alumnado de 5º e 6º foi ao teatro Afundación para ver a obra de teatro "What monster?" da compañia On stage, dentro das actividades que se organizan dende a sección bilingüe do centro.

Se queredes ver as fotos, clicade na imaxe:



martes, 31 de enero de 2023

Día Escolar da Non Violencia e da Paz

O 30 de xaneiro celebramos o Día Escolar da Non Violencia e da Paz.

Este ano seguimos a idea de UNICEF xa que "para que a paz sexa algo máis que un símbolo, temos que traballar cada día en facelo realidade", pero a través dos símbolos da paz que trabaallou cada curso, puidemos abrir debate sobre o que entendemos por paz e non violencia.

Os símbolos escollidos foron:

            - Infantil: pomba branca

            - 1º: símbolo hippie

            - 2º: mans brancas

            - 3º: ramiña de oliveira

            - 4º: grullas de papel

            -5º e 6º: palabra "paz" en hebreo e árabe


Se queredes ver as fotos da celebración, clicade na imaxe:



jueves, 26 de enero de 2023

Horta de xaneiro

Comezamos o ano preparando a nosa horta para o frío: limpamos as malas herbas, regamos dentro do invernadoiro e recollimos follas para facer unha manta que manteña quentes as prantas.

No bancal de fora tamén limpamos de herbas e observamos o crecemento dos allos e cebolas.

Coa cuberta de follas puidemos comprobar como deste xeito a auga aguanta máis tempo e as prantas conservan a humidade mellor, reducindo así a necesidade de rega.

Se queredes ver o que fixemos, xa sabedes, clicade na foto:



martes, 10 de enero de 2023

Nadal 2022

Retomamos o trimestre coa actividade que fixemos o pasado 22 de decembro, cando celebramos que xa chegaba o Nadal.

Foi un día moi divertido, comezamos cunha chocolatada con churros e continuamos coa visita dos Reis Magos acompañados pola banda de música de Candeán, para rematar coas actuacións que cada grupo preparou para o resto do cole.

Se queredes ver as fotos completas desde día, clicade na seguinte foto:



viernes, 23 de diciembre de 2022

Horta de Decembro

Este mes ainda que tivemos varios días festivos, puidemos ir á horta coma sempre.

Revisamos ás nosas plantacións, regamos cando fixo falta (especialmente no invernadoiro, pois coa chuvia xa se regan os bancais de fora), apañamos algún pemento...

E fixemos actividades centradas na pegada ecolóxica, analizando as nosas accións para ver se estamos sendo ecolóxicos e coidamos o noso planeta. Reflexionamos sobre se apagamos as luces cando saímos, se reciclamos, se poñemos a calefacción a  unha temperatura moderada, se imos a todas partes en coche ou tamén usamos o transporte público ou imos a pé...

Se queredes ver as fotos de todo o que fixemos, premede na foto:



jueves, 1 de diciembre de 2022

Horta de Novembro

Este mes de Novembro na horta continuamos coa limpeza de malas herbas e coidados xerais: regar, recoller tomates, revisar como van medrando os nosos cultivos...

Ademáis plantamos allos, fabas lobas e tirabeques e trasplantamos flores aos bancais.

Clicade na foto para ver o que fixo cada grupo:



jueves, 17 de noviembre de 2022

Visita Radio Vigo

O pasado xoves 10 de novembro os grupos de 4º, 5º e 6º acudiron de excursión ás oficinas de Radio Vigo e Televigo.

En primeiro lugar, puideron adentrarse un pouco máis na historia da radio da nosa cidade e coñecer por dentro como funciona unha cadea de radio. Incluso gravaron unha cuña publicitaria nunha sala de gravación real!

Na segunda parte da visita achegáronse ao funcionamento da televisión no plató de Televigo. Alí puideron experimentar co plató, o croma, efectos de imaxe, son...

Foi unha visita moi interesante. Se queredes ver o que fixemos, clicade na foto:



lunes, 14 de noviembre de 2022

Magosto

O venres celebramos o magosto no cole cun día completamente solleiro que acompañou todo o tempo.

Comezamos xuntándonos no patio cuberto para cantar e bailar o rap do magosto como xa e tradición. Despois, todos xuntos, puidemos comer o choripán e as castañas que tanto estabamos a agardar. E por último, participamos nos xogos populares que tiñamos repartidos polo patio: soga-tira, carreiras de sacos, lanza a castaña... E moitos máis!

Queredes ver as fotos do ben que o pasamos? Clicade na foto!